Minister van Finansies, Mnr Tito Mboweni, het vanmiddag die nasionale tesourie se begroting vir 2020/2021 gelewer. Die volgende wysigings staan uit:
- Bo-inflasie aanpassing van persoonlike inkomstebelasting-drempels. (Dit is nie verlede jaar gedoen nie).
- Die toelaatbare verhoging aan belastingvrye besparing het vanaf R33 000 tot R36 000 toegeneem.
- Sonsondergangsklousules is ingestel ten opsigte van sekere korporatiewe belastings.
- Daar is ‘n beperking ingestel op die gebruik van aangeslane verliese.
- Die algemene brandstofheffing neem op 1 April 2020 met 16 sent per liter toe.
Vrystelling van hereregte het tot R1 miljoen verhoog. Vanaf 1 Maart 2020 is die tariewe soos volg:
| Waarde van eiendom | Koers |
| Tot en met R 1 000 000 | 0% |
| R1 000 001 – R1 375 000 | 3% van die waarde bo R1 000 000 |
| R1 375 001 – R1 925 000 | R11 250 + 6% van die waarde bo R1 375 000 |
| R1 925 001 – R2 475 000 | R44 250 + 8% van die waarde bo R1 925 000 |
| R2 475 001 – R11 000 000 | R88 250 +11% van die waarde bo R2 475 000 |
| R11 000 001 en hoër | R1 026 000 + 13% van die waarde bo R11 000 000 |
